ყიფიანი ივანე გიორგის ძე

 ივანე (ქოჩო, ქოჩუ) გიორგის ძე ყიფიანი (? - 1814) (დიმიტრი ყიფიანის მამა) - ერთხანს სოლომონ I-ის შვილიშვილის და 1819-1820 წლების იმერეთის აჯანყების ერთ-ერთი მეთაურის (აგრეთვე აკაკი წერეთლის ბაბუის ბაბუის) ივანე (იოანე) ქაიხოსროს ძე აბაშიძის მოურავი ყოფილა ქვიშხეთში, მაგრამ თავის ბატონს ვერ შეწყობია და გაცლია სააბაშიო ტერიტორიას. 1810 წელს ქოჩო ყიფიანი რუსულმა მმართველობამ ოკრიბის (დღევანდელი ტყიბულის რაიონი) მოურავად დანიშნა.
 ქოჩო ყიფიანი გარდაიცვალა 1814 წელს, დაკრძალულია სოფ. მერეთის წმ. გიორგის ეკლესიის კარებთან.

საშვილიშვილო მოკავშირე დიმიტრი ყიფიანი. თბ. 2007