h მაჭავარიანი მიხეილ სერგოს ძე - ბიოგრაფია
მიხეილ სერგოს ძე
მაჭავარიანი
1888 -

 მიხეილ სერგოს ძე მაჭავარიანი - ქართველი სამხედრო მფრინავი. 1910 წელს დაამთავრა კონსტანტინოვსკის საარტილერიო სასწავლებელი პეტერბურგში. პოდპრაპორშჩიკის ჩინით დაიწყო სამსახური 39-ე საარტილერიო ბრიგადაში. 1913 წელს პირადი მოთხოვნის საფუძველზე გადავიდა ყარსის ციხესიმაგრის საავიაციო ნაწილში დამკვირვებლის თანამდებობაზე. ამავე წლის ნოემბერში სწავლა განაგრძო გატჩინის საფრენოსნო სკოლაში. 1914 წელს დაიწყო ფრენის პრაქტიკის მიღება გატჩინის აეროდრომზე. დაამთავრა სკოლა სამხედრო მფრინავის ჩინით. მსახურობდა ქალაქ ლიდის (ვილნოს გუბერნია) საავიაციო ნაწილში. 1915 წლის აგვისტოდან მსახურობდა გენერალი რენნენკამფის დაქვემდებარებაში მყოფ საავიაციო ნაწილში.

 1916 წლის იანვარში გაგზავნეს კავკასიის ფრონტზე. 1916 წლის ზაფხულიდან იყო კავკასიის ფრონტის მე-2 საავიაციო რაზმის მეთაური. პირადად ჰყავდა ჩამოგდებული ორი თურქული სამხედრო-სადაზვერვო აეროპლანი (თვითმფრინავი).

 1929 წლიდან ჯანმრთელობის გამო თავი დაანება სამხედრო ავიაციას. დაენიშნა პერსონალური პენსია. ეკავა სხვადასხვა საპასუხისმგებლო თანამდებობები ქართულ მთავრობაში.

 machavariani-mixeili

აზნაური (წარმოშვების მხარე უცნობია)

gb  rs t

 იური კონსტანტინეს ძე ჩიქოვანი (1937-2018) - პროფესიით ფილოლოგი, ინგლისური ენისა და ლიტერატურის სპეციალისტი, საქართველოს დამსახურებული მწვრთნელი ჭადრაკში. წლების განმავლობაში მუშაობდა ილია ჭავჭავაძის სახელობის უცხო ენათა პედაგოგიური ინსტიტუტის ინგლისური ენის კათედრაზე უფროს მასწავლებლად. გენეალოგიურ კვლევებს აწარმოებს 1984 წლიდან. 1995 წელს დააარსა „ქართული გენეალოგიური საზოგადოება“, რომლის უცვლელი თავჯდომარეა დღემდე. 1999-2003 წლებში ხელმძღვანელობდა საქართველოს პარლამენტის ილია ჭავჭავაძის სახელობის ბიბლიოთეკის გენეალოგიური კვლევის ცენტრს. არის საქართველოს თავად-აზნაურთა საკრებულოს გენეალოგიის და ჰერალდიკის კომისიის ხელმძღვანელი და ამავე საკრებულოს ვიცე-წინამძღოლი. 2004 წლის სექტემბერში საფრანგეთში, საერთაშორისო გენეალოგიური აკადემიის გენერალური ასამბლეის მიერ ერთხმად იქნა არჩეული ამ აკადემიის ნამდვილ წევრად. არის ცხრა წიგნისა და მრავალი სამეცნიერო ნაშრომის (აქვს ნაშრომები-გენეალოგიური კვლევები პრაქტიკულად ყველა თავად-აზნაურულ გვარზე, მათ შორის ბაგრატიონებზე და აფხაზურ გვარებზე) ავტორი.

იური ჩიქოვანი