სლავა მეტრეველი

სლავა კალისტრატეს ძე მეტრეველი – ფეხბურთელი. სსრკ სპორტის დამსახურებული ოსტატი (1960), სსრკ საერთაშორისო კლასის სპორტის ოსტატი (1966), საქართვე­ლოს დამსახურებული მწვრთნელი (1976). დაიბადა ქ. სოჭში. სპორტუ­ლი კარიერის დასაწყისში თამაშობ­და ადლერის ახალგაზრდულ გუნდ­ში „ტრუდი“. 1953­იდან 1967 წლამდე თამაშობდა რუსეთის შემდეგ სა­ფეხბურთო გუნდებში: 1953­-54 – სოჭის „სპარტაკში“, 1955 – გორკის „ტორპედოში“, 1956­-62 – მოსკოვის „ტორპედოში“. ცხრაჯერ იყო და­სახელებული სსრკ 33 საუკეთესო ფეხბურთელის სიაში, მათ შორის რვაჯერ პირველ ნომრად – 1958, 1959, 1960, 1961, 1962, 1964, 1965, 1968 წლებში.

 იყო სსრკ თასის მფლობელი 1960 წელს, ევროპის თასის მფლობელი 1960 წელს. ორგზის სსრკ ჩემპიონი – 1960 და 1964 წლებში; სსრკ ნაკრების შემადგენლობაში 1962, 1966 და 1970 წლების მსოფლიო ჩემპიონატების მონაწილე. 1963-­71 წლებში იყო თბი­ლისის „დინამოს“ თავდამსხმელი, 1967­-71 წლებში – გუნდის კაპიტანი. 1968 წელს მიწვეული იყო მსოფლიო ნაკრებში ბრაზილიის წინააღმდეგ.

 უმაღლეს ლიგაში ჩაატარა 376 მატ­ჩი (84 გოლი), 1958­-70 წლებში სსრკ ნაკრებში – 48 მატჩი (11 გოლი). სლავა მეტრეველის სახელობისაა ქ. სოჭის ცენტრალური სტადიონი. ს. მეტრე­ველი ითვლება ყველა დროის ერთ­-ერთ საუკეთესო თავდამსხმელად. სლავა მეტრეველი თბილისში გარდაიცვალა.