რევაზ ივანეს ძე ბაგრატიონი

რევაზ (რომან) ივანეს ძე ბაგრატიონი – გენერალ-ლეინტენანტი. პეტრე ბაგრატიონის (ბოროდინოს გმირის ძმა). 1832 წელს ცხოვრობდა თბილისში არწრუნის სახლში (ეს ის სახლის სადაც წინათ ქართული თეატრი იყო, ეხლა კი გრიბოედოვის თეატრია). ამ სახლში, ბაგრატიონის ბინაზე, 1832 წ. 21 იანვარს დადგეს მოყვარულთა სპექტაკლი ა. გრიბოედოვის “ვაი ჭკუისაგან”.

 ს.ა. ტუჩკოვის მოგონებით 1805 წ. როდესაც პეტრე ბაგრატიონი უკვე სახელგანთქმული გენერალი იყო, მისი ძმა მასთან მსახურობდა პოლკში კაპიტნად. კაპიტანი ბაგრატიონი ცოლიანი იყო და არ ესწრაფოდა მაღალ ხარისხებს, თუმცა იყო საკმარისად მამაცი და კარგი ყოფაქცევის. გენერალ-ლეინტენანტის წოდება მიიღო 25 ივნისს 1829 წელს (რუსეთ-თურქეთის ომი).