h ჩოლოყაშვილი მიხეილ ივანეს ძე - ბიოგრაფია
მიხეილ ივანეს ძე
ჩოლოყაშვილი
მაიორი

 მიხეილ ივანეს ძე ჩოლოყაშვილი (1802 - 1847) - 1833 წელს თუშეთის პრისტავია, შემდეგ თუშ-ფშავ-ხევსურეთის ოკრუგის უფროსი, მაიორის ჩინით. ზისერმანის სიტყვით, მ. ჩოლოყაშვილი იყო "გაუნათლებელი, მაგრამ თავისებურად ძალიან ჭკვიანი". მიხეილ ვორონცოვმა 1846 წელს დანიშნა საგამომძიებლო კომისიის თავჯდომარედ. ამ კომისიას უნდა გამოერკვია საფოსტო კარეტიდან მდ. იორში ჩავარდნილი საფოსტო ჩემოდნის საქმე, ამ ჩემოდანში 48 ათასი მანეთი იყო და მის მოტაცებას თავად ანდრონიკოვსა და ადგილობრივ პოლიციელებს აბრალებდნენ (ზისერმანი, გვ. 79).მიხეილ ჩოლოყაშვილი იყო ბიძაშვილი მიხეილ, ალექსანდრე და ზაქარია ჩოლოყაშვილების. 1831 წელს ცოლად შეირთო თადია ჩოლოყაშვილის ასული ნინო. ა. ზისერმანის თქმით, მიხეილის მეუღლე ყოფილა მეტად ლამაზი (А. Зиссерман, "Двадцатьпять лет на Кавказе", 1, 22). 

 მ. ჩოლოყაშვილი გარდაიცვალა 1847 წელს.

თავადი (კახეთი)
მაქსიმე ბერძნიშვილი - მასალები XIX საუკუნის პირველი ნახევრის ქართული საზოგადოებრიობის ისტორიისათვის II ტომი.

gb  rs t

 იური კონსტანტინეს ძე ჩიქოვანი (1937-2018) - პროფესიით ფილოლოგი, ინგლისური ენისა და ლიტერატურის სპეციალისტი, საქართველოს დამსახურებული მწვრთნელი ჭადრაკში. წლების განმავლობაში მუშაობდა ილია ჭავჭავაძის სახელობის უცხო ენათა პედაგოგიური ინსტიტუტის ინგლისური ენის კათედრაზე უფროს მასწავლებლად. გენეალოგიურ კვლევებს აწარმოებს 1984 წლიდან. 1995 წელს დააარსა „ქართული გენეალოგიური საზოგადოება“, რომლის უცვლელი თავჯდომარეა დღემდე. 1999-2003 წლებში ხელმძღვანელობდა საქართველოს პარლამენტის ილია ჭავჭავაძის სახელობის ბიბლიოთეკის გენეალოგიური კვლევის ცენტრს. არის საქართველოს თავად-აზნაურთა საკრებულოს გენეალოგიის და ჰერალდიკის კომისიის ხელმძღვანელი და ამავე საკრებულოს ვიცე-წინამძღოლი. 2004 წლის სექტემბერში საფრანგეთში, საერთაშორისო გენეალოგიური აკადემიის გენერალური ასამბლეის მიერ ერთხმად იქნა არჩეული ამ აკადემიის ნამდვილ წევრად. არის ცხრა წიგნისა და მრავალი სამეცნიერო ნაშრომის (აქვს ნაშრომები-გენეალოგიური კვლევები პრაქტიკულად ყველა თავად-აზნაურულ გვარზე, მათ შორის ბაგრატიონებზე და აფხაზურ გვარებზე) ავტორი.

იური ჩიქოვანი