ქოჩაკიძე გიორგი მაქსიმეს ძე

 გიორგი მაქსიმეს ძე ქოჩაკიძე (ქოჩაქიძე) (1847-1898). პოეტი გიორგი ჭალადიდელი. - დამთავრებული ქონდა ქუთაისის გიმნაზია, შემდეგ პეტერბურგის სამხედრო სასწავლებელი. შედარებით ახალგაზრდა ასაკშია მიაღწია პოლკოვნიკის ჩინს და საარტილერიო დივიზიონის მეთაურობას. გ. ჭალადიდელი იყო "თერგდალეულთა" სკოლის პოეტი. მისი ლექსები ("მოგონება", "ფაცხა"...) სიმღერად იქცა და ეს სიმღერები უაღრესად პოპულარული იყო მთელს საქართველოში. ლექსი "მოგონება" იაკობ გოგებაშვილმა შეიტანა სასკოლო სახელმძღვანელოში. სიცოცხლის ბოლო წლებში გიორგი ჭალადიდელს გადაწყვეტილი ჰქონდა სამსახურისთვის თავის დანებება და სამშობლოში დამკვიდრება, მაგრამ მის განზრახვას სიკვდილმა შეუშალა ხელი. გარდაიცვალა მინსკში 1898 წლის 1 აპრილს. პოეტი გადმოასვენეს საქართველოში და დაკრძალეს ჭალადიდის ეკლესიის ეზოში, ხოლო 1940 წელს სენაკში გადაასვენეს.

საშვილიშვილო მოკავშირე დიმიტრი ყიფიანი თბილისი 2007

 გიორგი ჭალადიდელის მშობლები, და-ძმა.