ფირან
უცნობია
ჩერქეზიშვილი
ბოქაულთუხუცესი (იულონ ბატონიშვილის)
1804 წ. შეტაკებაში სურამის გზაზე

 ფირან ჩერქეზიშვილი (? - 1804) - სავარაუდოდ ქართლელი აზნაური სოფელი კულბითიდან. იულონ ბატონიშვილის ბოქაულთუხუცესი. 1795 წელს აღა-მაჰმად-ხანის შემოსევისას გადაარჩინა თბილისის სიონის ნივთები. 1801 წელს, როცა იულონ და ფარნაოზ ბატონიშვილები იმერეთს გადავიდნენ, ფირან ჩერქეზიშვილს მიჰქონდ-მოჰქონდა ბატონიშვილის წერილები ქართლის თავადაზნაურობასა და ოსებთან. ლაზარევმა ბრძანება გასცა მისი დაჭერის შესახებ.
 როცა 1804წ. ზაფხულში იულონ და ფარნაოზ ბატონიშვილები იმერეთიდან სპარსეთში გაჭრას აპირებდნენ, სურამის გზაზე მათ თავს დაესხა ეგერთა როტა (გოგი რამინის ძე ამირეჯიბის მეთაურობით). როტასთან შებრძოლებისას "მოსწყვიტნენ მისთანა თარხნიშვილი ტეტია, ძე ბეციასი, და ჩერქეზიშვილი ფირან და კეზელი დათუა ძითურთ თვისით" ამ შეტაკებისას იულონ ბატონიშვილი შეიპყრეს.

ტახტის - აზნაური (ქართლი)

კომენტარები

ka    ru