h ნათალიშვილი გორჯასპი გივის ძე - ბიოგრაფია
გორჯასპ გივის ძე
ნათალიშვილი
1812 წლის აჯანყების მონაწილე
ირანი

 გორჯასპი გივის ძე ნათალიშვილი - ფარეშთუხუცესი გივი ნათალიშვილის ვაჟი. 1803 წელს ულუმბოს მთაზეა მისული მალხაზ ანდრონიკოვთან ერთად, აქედან იულონ და ფარნაოზ ბატონიშვილების სახელით სოლომონ ამირეჯიბს გზავნიან სოლომონ და ესტატე თარხნიშვილებთან. მონაწილეობს ბატონიშვილებთან იმერეთში თათბირის დროს. ჩადის კაწალხევში და იქიდან ხევსურეთში ბაბახანისა და ალექსანდრე ბატონიშვილის წერილებით 1805 წლის იანვარში. ხევსურეთუდან გორჯასპი მიდის დუდარუკოსთან საჩუქრებით და ხალათებით ალექსანდრე ბატონიშვილისგან. 1812 წელს კახეთის აჯანყების დროს, გორჯასპი ალ. ბატონიშვილმა გააგზავნა გზაზე ხიდების ასაყრელად და ხალხის ასაჯანყებლად. გორჯასპის აგიტაციის შედეგად 6000 მთიელი შეიკრიბა, რომლებიც სექტემბერში სტეფანწმინდას დაესხნენ თავს. გადაჰყვა ალექსანდრე ბატონიშვილს დაღესტანში და 1818 წელს სპარსეთში, სადაც გარდაიცვალა კიდეც.
 გორჯასპის ცოლად ჰყავდა გუქა, დიმიტრი ორბელიანის ასული.

ტახტის - აზნაური (კახეთი)
Gorjaspi Natalishvili (noble) – - nobility.pro

gb  rs t

 იური კონსტანტინეს ძე ჩიქოვანი (1937-2018) - პროფესიით ფილოლოგი, ინგლისური ენისა და ლიტერატურის სპეციალისტი, საქართველოს დამსახურებული მწვრთნელი ჭადრაკში. წლების განმავლობაში მუშაობდა ილია ჭავჭავაძის სახელობის უცხო ენათა პედაგოგიური ინსტიტუტის ინგლისური ენის კათედრაზე უფროს მასწავლებლად. გენეალოგიურ კვლევებს აწარმოებს 1984 წლიდან. 1995 წელს დააარსა „ქართული გენეალოგიური საზოგადოება“, რომლის უცვლელი თავჯდომარეა დღემდე. 1999-2003 წლებში ხელმძღვანელობდა საქართველოს პარლამენტის ილია ჭავჭავაძის სახელობის ბიბლიოთეკის გენეალოგიური კვლევის ცენტრს. არის საქართველოს თავად-აზნაურთა საკრებულოს გენეალოგიის და ჰერალდიკის კომისიის ხელმძღვანელი და ამავე საკრებულოს ვიცე-წინამძღოლი. 2004 წლის სექტემბერში საფრანგეთში, საერთაშორისო გენეალოგიური აკადემიის გენერალური ასამბლეის მიერ ერთხმად იქნა არჩეული ამ აკადემიის ნამდვილ წევრად. არის ცხრა წიგნისა და მრავალი სამეცნიერო ნაშრომის (აქვს ნაშრომები-გენეალოგიური კვლევები პრაქტიკულად ყველა თავად-აზნაურულ გვარზე, მათ შორის ბაგრატიონებზე და აფხაზურ გვარებზე) ავტორი.

იური ჩიქოვანი