ENG  RUS

დიმიტრი
საგინაშვილი
1812 წლის აჯანყების მონაწილე

 საგინაშვილი დიმიტრი. აზნაური. კახეთის 1812 წლის აჯანყების მონაწილე. 1813 წლის 1 მარტს გადაასახლეს პერმში. 1815 წლის სექტემბერში პერმში გადასახლებული 12 ქართველი განცხადებას სწერს პერმის სამოქალაქო გუბერნატორის ბოგდან ჩერმესის სახელზე. ამ განცხადებით ისინი ითხოვენ მათთვის ფულის გადმოცემას თბილი ტანისამოსის და საცვლების შესაძენად

   1818 წელს (აგვისტოში) გადმოიცა მანიფესტი ციმბირს გადასახლებულ კახეთის აჯანყების მონაწილეთა განთავისუფლების შესახებ. ამ მანიფესტით განთავისუფლდნენ ისინი, ვინც მხოლოდ პირველ გამოსვლაში მონაწილეობდნენ. მეორე და მესამე გამოსვლის მონაწილენი კი, როგორც უფრო მძიმე დანაშაულის ჩამდენნი, გათავისუფლდნენ პატიმრობიდან და ციმბირში სამუდამო დასახლება მიესაჯათ (1820 წელს ამათაც მიეცათ ნება სამშობლოში დაბრუნებისა).

 დიმიტრი საგინაშვილი არ აღმოჩნდა არც განთავისუფლებულთა და არც ციმბირს დატოვებულთა სიაში. ციმბირის გენერალ – გუბერნატორი ეკითხებოდა პოლიციიც მინისტრს რანაირად მოქცეოდა ამ სიებში გამორჩენილ 9 ქართველს. ამის თაობაზე შინაგან საქმეთა მინისტრმა კოზოდავლევმა 1819 წ. 8 თებერვალს შეკითხვა გაუგზავნა საქართველოს მთავარმართებელს, რომელმაც უპასუხა: „არ შევიდნენ სიაში იმიტომ, რომ გუბერნიის თავადაზნაურობის წინამძღოლ გენერალ – მაიორ ბაგრატიონს მთავარმართებელისადმი წარდგენილ სიაში არ ჩაუწერია ეს 9 ქართველი“.

 1820 წლის ივნისში გამოიცა ბრძანება ციმბირს გადასახლებულ იმ ქართველების შესახებ, რომლებიც არც ერთ სიაში არ შესულან. რაკი ისინი უფრო მძიმე დანაშაულის მომქმედნი არიან, დატოვებულ იქნენ ციმბირს თავისუფლად საცხოვრებლად შემდგომი ბრძანების გამოცემამდე. დატოვებული ქართველთა შორის არის დიმიტრი საგინაშვილიც.

ამილახვარი მალხაზ თეიმურაზის ძე

სახელი, მამის სახელი:
მალხაზ თეიმურაზის ძე
გვარი
ამილახვარი
ცხოვრობდა
თბილისი

მალხაზ თეიმურაზის ძე ამილახვარი – „რესპუბლიკის სპორტულმა საზოგადოებამ მძიმე დანაკლისი განიცადა...

ყარანგოზიშვილი კონსტანტინე ადამის ძე

სახელი, მამის სახელი:
კონსტანტინე ადამის ძე
გვარი
ყარანგოზიშვილი
დაბადების ადგილი
დუშეთი
ცხოვრობდა
უკრაინა - ოდესა
სამხედრო ჩინი
გენერალ-მაიორი
მონაწილეობდა ომებში
რუსეთ-თურქეთის 1877-1878